Xhiro e dytë e Champions League vazhdon edhe sonte ku priten disa sfida interesante.

Si zakonisht dy ndeshjet e para të ditës së sotme luhen me fillim nga ora 18:45, shkruan Arbresh.info.

Girona do të jetë nikoqire e Feynordit kurse kampionia e Europa Leauge, Atalanta udhëton tek Shakthari.

Kurse gjatë mbrëmjes do të luhen edhe shtatë sfida tjera me vëmendje te ndeshja e kampionit në fuqi Real Madridit.

Madrilenët udhëtojnë në Francë ku do të takohen me Lillen e Edon Zhegrovës.

Një tjetër skuadër spanjolle që luan sonte është edhe rivalja lokale e Real Madrid, Atletico Madrid që do të luaj në udhëtim tek Benfica.

Skuadra e Arbër Hoxhës, Dinamo Zagreb do të jetë nikoqire e Monacos.

Bayern Munich gjithashtu do të luaj si mysafir i Aston Villas, kurse anglezët e Liverpoolit do të mirëpresin në shtëpi Bolognan.

Tjetër sfidë interesante do të jetë ajo mes Juventusit dhe Leipzigut.

Ndërkohë ndeshja e fundit është ajo me Sturm Graz dhe Club Brugge.

Kujtojmë se të gjitha këto ndeshje luhen me fillim nga ora 21:00./Arbresh.info